Die betekenis van die interessante titel het stadig deurgeskemer tydens die aanbieding waarin die plaas Tweebosch, geleë tussen Sannieshof, Ottosdal en Delareyville, ‘n sentrale rol gespeel het. Andries Buys reis terug op die genealogiese spore van sy Buys- en Schutte voorvaders wat op Tweebosch gewoon het totdat hy uiteindelik by Krotoa uitkom.  Krotoa is in 1663 aan die Kaap gebore en sy was ‘n hoogs intelligente persoon wat ‘n belangrike rol as tolk gehad het.

Die stamregisters van die Schuttes en die Buyse en hul verbintenis met Tweebosch is met fyn besonderhede en illustrasies uiteengesit. 

Die geskiedenis van Tweebosch kan in verskillende fases ingedeel word. Aanvanklik was dit weiveld maar tydens winters was ekstra voer nodig. Daarna saaiveld, waar seuns met pikke die lande vir saai moes voorberei.  Eers in 1948 het die eerste Vaaljapie trekker (Ferguson TE20)  sy verskyning gemaak.

Tweebosch was ook ‘n slagveld tydens die Anglo Boere-Oorlog en daarna mynveld toe diamante ontdek is en delwers begin delf het gedurende die 50/60er jare. Delwery het later opgehou as gevolg van onder andere duur diesel en ‘n tekort aan water. Alles is netso gelos en dit het slegte gevolge vir die omgewing ingehou. Die hope gruis lê in die loop van die Klein Hartsrivier en om die gebied te rehabiliteer sal baie duur wees. 

Van die aanvanklike weiveld, waar die nasate van Krotoa gewoon het, het niks oorgebly nie.

Die afstand van Jerusalem tot Pretoria padlangs met ‘n motor is ongeveer 8000 km is en dit sal ongeveer 150 uur neem om dit per motor af te lê.  Dit het die Evangelie amper 1900 jaar geneem om tot in Pretoria te kom.

In die antieke tyd was die kerk ‘n vervolgde gemeenskap en is as ‘n subkultuur beskou.  Aanvanklik is die Evangelie in die destydse Romeinse Ryk asook in Armenië (buite die Romeinse Ryk) verkondig.

Na amper 400 jaar het die kerk in Rome stadigaan geformaliseer geraak en na die bekering van Keiser Konstantyn die Grote is die vervolging beëindig en na sy dood is die Christelike Kerk as enigste kerk verklaar. Op ‘n stadium kom daar skeiding tussen Rome en die Oosterse Ortodokse Kerke met Konstantinopel as setel. 

Na die Renaissance treedie hervormers na vore met Maarten Luther en Calvyn as die grootste invloed.  Kerke versplinter in bv Lutherse, Calvinistiese, Presbiteriaanse en Anglikaanse kerke asook sektariese groepe.

Met kolonialisering versprei o.a. sendelinge die Evangelie aan die inheemse bevolking in die kolonies en word kerke gestig. Die geskiedenis in Suid-Afrika is kortliks bespreek en die praatjie is met die ekunemiese ideaal wat na die Eerste Wêreldoorlog veld gewen het, afgesluit

Beeldmateriaal het die praatjie toegelig.

Voor die slag van Bloedrivier is die sterk Voortrekkerleiers dood in onder andere die gebeure by Bloukrans, die moord op Retief en die slag van Italeni. ‘n Sterk leier is in die Kaap gaan soek en Andries Pretorius het hom by die Voortrekkers aangesluit en die manskappe georganiseer deur die aanstelling van kommandante en veldkornette.

Die gewere, die maak van koeëls, hoe buskruit gemaak is, die kanonne en reikafstande van die verskillende wapens is bespreek.

Daar was vee – beeste en skape – en perde in die laer asook al die Voortrekkers en anderskleuriges wat saam op die trek was.  Die vee het nie onrustig geword met die groot lawaai van die geweer- en kanonskote nie.

Die Zoeloes was georden en krygsvernuftig; die Voortrekkers was nie militêr opgelei nie   Die Zoeloes het ‘n baie groot krygsmag gehad en die oorwig was 20:1.

Die Gelofte en die rol van Charl Cilliers is bespreek.

Dit is toegelig met foto’s, illustrasies en ‘n kort videogreep.

Vivian Oosthuizen se familieverhaal soos vertel deur Vivian en lede van haar familie. Animasies met MyHeritage Deepstory kunsmatige intelligensie-tegnologie. Vertellings uit dagboeke, briewe, memoires en publikasies

Foto’s is d.m.v. animasie gemanipuleer asof hulle hul eie stories vertel.  Dit is aangevul deur foto’s van geskiedkundige gebeure soos die Eerste Wêreldoorlog en die Tweede Wêreldoorlog.

Dit is die verhaal van die Lewinsky-familie en oor die lewe en grootword in Goldap, Oos-Pruise wat later deel van Pole geword het.

Die verhaal word  deur o.a. Vivian se pa en ander familielede, Eric en Eva vertel.

Dit is die verhaal van ‘n begaafde Joodse familie wat van vervolging en swaarkry moes vlug en van hulle is na Suid-Afrika, ander na die VSA en ander weer terug na Duitsland. Van hulle het nie betyds gevlug nie en het in ‘n konsentrasiekamp gesterf.  Eric Lewinsky het na die oorlog ‘n groot bydrae tot die regswese in Duitsland gelewer. Eva, die suster, was aktief in die ISK, ‘n anti-Nazi ondergrondse beweging. Sy is uiteindelik VSA toe waar sy o.a. Einstein en Eleanor Roosevelt om hulp vir die vervolgde Jode genader het.

Dit is ‘n verhaal van mense vol moed en deursettingsvermoë wat mens opnuut in verwondering laat oor die mens se onoorwinlike gees.

Adrian het ‘n oorsig oor bewaring van geboue die afgelope 2000 jaar gegee. Hy het begin deur bewaring aan die hand van die Pantheon in Rome wat ongeveer 20 vC deur Agrippa as ‘n tempel vir die gode gebou is, te verduidelik. Daarna is dit verander en later weer verander. Na ‘n brand is dit feitlik deur keiser Hadrianus herbou. Baie later is dit in ‘n kerk verander en nog later, vroeg sewentiende tot die negentiende eeu is twee kloktorings aangebring. Dit is later verwyder.

Sam vertel die storie van vier Suid-Afrikaners se deelname aan die ontsnapping vanuit Stalag Luft III gedurende die Tweede Wêreldoorlog, 24/25 Maart 1944. Westerse geallieerde lugmagpersoneel is in Stalag Luft III krygsgevange gehou.

Alta se beginpunt was haar oumagrootjie, Lettie Roux, wat 14 kinders gehad het waarvan 11 vroeg oorlede is.  Hoe hanteer mens die dood van soveel kinders?