Noord -Transvaaltak - Onthoupaadjies 2022

Ons leef geskiedenis elke dag – en dit word uiteindelik ook deel van ons eie persoonlike geskiedenis. Die wêreld verander so vining dat ons jeugherinneringe reeds verstomming by vandag se jongmense ontlok: aande sonder TV, oproepe maak by ‘n tiekieboks, kerkdienste onder ’n groot boom tydens seevakansies…  Genealogie vra dat ons ook ons eie stories opskryf en ander saamneem op ons onthoupaadjies.
Navigeer na die video, teks en skyfiestel van die aanbieding. Die onderwerp reflekteer die taalkeuse van die aanbieding. Vir die opsomming van elke praatjie, lees hieronder.
Kliek op die om oop te maak
DATUM VERTELLER ONDERWERP
 VIDEO
TEKS
SKYFIES
 2022-02-01
 Gerrit Muller
 My herinnering aan my oupa Tippie van Lady Grey
ONTHOUPAADJIE VIR VORIGE JARE
   
 2021  Noord-Transvaaltak - Onthoupaadjies
 2020
 Noord-Transvaaltak - Onthoupaadjies

My herinnering aan my oupa Tippie van Lady Grey

Gerrit MullerGerrit Muller, 01 Februarie 2022
Oupa Tippie was Gerrit (die skrywer) se oupa aan moederskant en so 70 jaar ouer as Gerrit. Sy ouma was reeds oorlede toe Gerrit gebore is.
Gerrit en sy ouers het op Brandfort gewoon en Lady Grey was 320 km van hulle af.  Die pad was deels geteer, deels onder konstruksie en verder grondpad.  Hulle het dikwels na donker in Lady Grey aangekom. Hy beskryf die aankoms na donker en dat hy en sy broer bang was vir die ‘’ou man’’ met die gesig wat grotesk in die kerslig gelyk het (Gerrit was so ses jaar oud). Later, toe hulle meer op hulle gemak met hom was, het hy hulle vermaak met silhoeëtbeelde wat hy met sy vingers gemaak het deur gebruik te maak van die einste kerslig – en dit teen ‘n muur geprojekteer het.
Oupa Tippie het saam met Gerrit se oujongnooi-tante gewoon. Hulle het op ‘n groot erf gewoon en was selfversorgend.  Daar was groente, vrugte, hoenders en koeie wat gemelk is en ‘n ‘n emmerstelseltoilet buite.  Drinkwater is uit ‘n dam, hoog bergop, verkry.  Die dam laer af is vir drinkwater vir die diere asook in die leivore vir tuine natlei gebruik.
Gerrit se ouers het, toe hy tien jaar oud was, Kroonstad toe getrek en hy en sy boetie het gedurende somervakansies per trein vir sy oupa gaan kuier.  Toe was hy die boomklimmer wat vrugte, veral appelkose, moes help afpluk.  Vrugte is gedroog en sy ma het van die droë vrugte in Kroonstad verkoop.  Hy het ook prober kalwers ry – dit was minder suksesvol.
Sy oupa het stories vertel terwyl hulle op die stoep besig was met voorbereiding van groente. Oupa was ‘n Kaapse rebel (ABO) en hy is twee keer gevang.  Die tweede keer het hy as Kaapse rebel die doodstraf gekry, is later begenadig en  hy moes lewenslank sit.  Hy was op die ou end drie jaar in die tronk.
Gerrit neem ons op ‘n interessante onthoupaadjie en daar is toepaslike foto’s ter illustrasie.