Skip to main content

GGSA HEADER AFR

Gauteng-Noordtak

Taklidmaatskap nader 200. Ons vergader maandeliks om 13:30 in die NG Gemeente Lynnwoodrif op elke tweede Saterdag – behalwe Januarie en Desember. Die jaarlikse takaktiwiteitsprogram sluit tipies aanbiedings deur gesaghebbende sprekers en halfjaarsimposium in. Lede ontvang 'n maandelikse nuusbrief bykomend tot GSSA se kwartaallikse joernaal Familia.

Ons bedryf ‘n Genealogie-stalletjie by die gereelde antieke markte van die VTM (wat op openbare vakansiedae gehou word) om genealogie as 'n stokperdjie te bevorder, en om die publiek te lei en in te lig oor familie-navorsing. Nuttige en interessante uitstappies word na argiefinrigtings, museums en ander plekke van belang aangebied. Benewens die bestuur van projekte, soos die digitalisering van die kieserslys van 1972, is die tak ook aktief in verskeie projekte, soos GSSA se Argieftoere, die 1820 Setlaars-bewusmakingsprojek (200-jaar viering) en die jaarlikse Genealogie- en Familie-erfenisfees (aangebied vir die 12de keer vanjaar onder 'n nuwe vaandel van die FAK).

Van ons lede sluit verskeie ervare ‘ou hande’ in wat gewillig is om nuwelinge te help. As ‘n tak wat passievol is oor die studie van families en die dinamika van genealogie, is ons trots op die ondersteuning aan lede deur opleiding en navorsingsleiding, wat die gebruik van moderne tegnologie insluit. Kry 'n blik deur die Virtuele Toer (90 sekondes) .......... en Sluit Aan!