Produkte en Dienste - Biblioteek

Boeke rekenaarDie GGSA het uitstekende genealogiese bronne wat by die Erfenisstigting se Biblioteek in Pretoria gehou word. Die Noord-Transvaaltak en die Erfenisstigting het 'n ooreenkoms waarvolgens die stigting en die tak saamwerk om bronne vir genealogiese navorsing beskikbaar te stel.
Die versameling bevat boeke en tydskrifte in elektroniese sowel as gepubliseerde formaat. Hierdie gegewens handel oor Suid-Afrikaanse sowel as internasionale geslagsregisters, die 1820 Britse Setlaars en die koms van die Franse Hugenote, die Duitse sendelinge, Nederlandse immigrante, die Anglo-Boereoorlog en die Britse konsentrasiekampe. 'n Spesiale poging word aangewend om gesinsregisters en stamboeke van individuele gesinne te versamel en beskikbaar te stel. Die biblioteek is in besit van sowel die SA Geslagsregisters (SAG) as die nuwer SA Familieregisters (SAF). Biografieë, 'n aantal doop-, huweliks- en lidmaatregisters is in die biblioteek beskikbaar, sowel as registers van verskillende begraafplase en die GGSA-begraafplaas-opnameprojek.
NTVL Library
Vrywilligers van die Noord-Transvaaltak en die voltydse bibliotekaris van die Erfnisstigting is beskikbaar om leiding en hulp te verleen. Die Erfnisstigting-biblioteek is in die Erfenisgebou by die Voortrekkermonument.
Tye
Die biblioteek is oop vir genealogiese navorsing op Dinsdae, Woensdae en Vrydae van 10:00 tot 15:00. Vrywilligers sal op hierdie dae beskikbaar wees om navorsers by te staan. Skakel asseblief die GGSA bibliotekaris (Lynne @ 082-411-8803) om tye en beskikbaarheid te bevestig.

Die Erfenisstigting Telefoonnommer: 012-325-7885 x 2234.
Toegang en fooie
Meld aan by die ingangshek van die Voortrekkermonument (VTM), neem ‘n kaartjie en beweeg op na die hoof parkeerterrein by die Ontvangs / Inligtingsentrum, reg onder die Afrikander Handelshuis, aan die voet van die VTM. Betaal die ingangsfooi van R20 en laat jou hek-kaartjie stempel sodat jy toegelaat word om die terrein te verlaat. 
Biblioteeklys

Die biblioteeklys word gereeld opgedateer, so maak seker dat jy nou en dan 'n nuwe weergawe aflaai om voordeel te trek uit nuwe boeke wat bygevoeg word.

Die biblioteeklys is beskikbaar in twee formate, PDF en Excel (die inhoud is dieselfde):

Library photo