Argieftoere - 'n Tipiese argieftoer program
Duur
Argieftoere en archive crawls is gewoonlik weeklange uitstappies, waar die argieftoere vlugte en oornagverblyf insluit. Die program begin gewoonlik op 'n Sondagoggend en eindig vyf dae later, op ‘n Vrydagaand.
Program
Die program hang af / wissel volgens die vereistes en gebied en kan selfs aangepas word volgens die voorkeure van die deelnemers.
'n Wes-Kaapse Argieftoer kan byvoorbeeld insluit:
- 3 dae se navorsing in die Kaapse Argief in Kaapstad (KAB);
- 1 dag met die GISA erfenis by die CPUT in Wellington of 'n besoek aan die NG Kerkargief in Stellenbosch; en
- 1 dag by die Hugenote-registers in Franschhoek, by die Drakenstein Heemraad in die Paarl of op verskillende setlaars se plase.
As ‘n ander voorbeeld, ‘n Gauteng Archive Crawl mag insluit:
- 2 dae by die Transvaal/Nasionale Argief in Pretoria (TAB);
- 1 dag by die GGSA -biblioteek, gehuisves by die Erfenisstigting in Pretoria;
- 1 dag by die argief van die Hervormde Kerk; en
-
1 dag by die Nationale Biblioteek (pliglewerende depositobiblioteek) van die LDS in Parktown.
'n Derde voorbeeld, 'n Vrystaatse argieftoer, kan die volgende insluit:
- 2 dae by die Vrystaat/Nasionale Argief in Bloemfontein (VAB);
- 1-2 dae by die Boereoorlog (ABO) Museum in Bloemfontein; en
- ½-1 dag by die Nasionale Biblioteek (pliglewerende depositobiblioteek) of 'n ABO-konsentrasiekamp-begraafplaas.
Voordele vir die genealoog / navorser
Alle reis, verblyf en ander logistieke reëlings word getref en is ingesluit by die prys.
Beginner-genealogienavorsers ontvang ruimskoots inligting en hulp. Die inligting en opleiding sal jou op alles voorberei. As jy jouself as beginner-navorser klassifiseer, kry jy ekstra gebruikersvriendelike inligting vir beginners - byna 50% van die deelnemers gebruik gewoonlik hierdie 'beginnersopleiding'.
Die meer gevorderde genealogiese navorsers vind baat daarby dat hulle vyf dae lank ongestoord op hul eie navorsing kan fokus en geen tyd mors aan al die reëlings nie.
Wat is die voorwaardes vir deelnemers?
Jy moet 'n opbetaalde GGSA -lid wees, van enige tak van jou keuse;
Toegang tot die internet vir opleiding en baie inligting per e-pos;
Jy moet voorbereid wees (en die tyd beskikbaar hê) om die e-posse wat jy gedurende die maande voor die toer ontvang, te lees en deur te werk;
As 'n beginner-navorser moet jy regtig belangstel in genealogiese navorsing in jou eie, 'n ander familie (s) of 'n spesifieke onderwerp.
Koste
Koste wissel na gelang van die gebied en program.
Die Wes-Kaapse argieftoer, volgens bogenoemde program, beloop ongeveer R9,000 (2023), wat vlugte, verblyf, vervoer en etes insluit en alles wat vir die Gauteng archive crawl hieronder genoem word. Lede wat nie vlugte en/of verblyf benodig nie, betaal dienooreenkomstig minder. Die deposito is ± R3,000.
Die Gauteng argieftoer/-crawl, volgens bogenoemde program, beloop ongeveer R900 (2023), wat piekniek-middagetes, gidse, wenke en skenkings, toegangsgeld, vooraf-inligting/opleiding per e-pos en alle reëlings insluit. Die deposito is ± R200.
Tans is 'n aansienlike afslag vir die eerstemaal-deelnemers van toepassing.
Besprekings kan slegs verseker word deur die deposito te betaal en word ten volle terugbetaal indien die toer gekanselleer moet word.
Stel jy belang?
Sou jy belangstel in so 'n toer in die toekoms, kan jy op die argieftoere-poslys registreer, as 'n belangstellende / potensiële deelnemer, sonder enige verpligting.
Vir meer inligting, of om by die poslys gevoeg te word, stuur 'n e -pos aan die organiseerder, Ellen Harmse, via Hierdie e-posadres word teen spambots beskerm. Jy benodig JavaScript geaktiveer om dit te bekyk.s.
