Skip to main content

GGSA HEADER AFR

Van My en Myne - 'n Blik op afstammelinge van Alexander Basch in Suid-Afrika

Sam J. Basch [Familia 2017 Vol. 54/1 p23-42]

Tans is daar slegs beperkte inligting beskikbaar oor Alexander Oskar Adolf Berthold Basch (1837-1902) wat in Silesië gebore is, destyds deel van Pruise, maar nou 'n provinsie van Pole. Sy Sterfkennis (SK) beskryf hom as 'n ystersmid en boer. Uit sy eerste huwelik met Martha Smit is vier kinders gebore, waarvan die jongste uiteindelik die outeur se oupa Samuel (Sampie) Jacobus Basch (1868-1934) was. Alexander het 'n gedeelte van die plaas 'Elandsloof' naby Dullstroom besit, waar hy tot sy dood aan die einde van die Anglo-Boereoorlog in 1902 geboer het. Die skrywer beskryf ook die rol wat Alexander en sy seuns in die Anglo-Boereoorlog gespeel het, asook kortliks die lewens van sommige van sy afstammelinge in Suid-Afrika.

Hierdie afstammelinge het in baie moeilike omstandighede geleef, ook as wit Suid-Afrikaners, en die skrywer gee interessante feite oor die 'armblanke'-probleem, wat daartoe gelei het dat baie van hierdie familielede werk op die myne gaan soek het. Die myn is waar die skrywer ook grootgeword het, aangesien sy eie pa, Samuel (Sam) Jacobus BASCH (1918-1980), daarin geslaag het om 'n betreklik suksesvolle loopbaan as mynamptenaar te bou. Ondanks die myne se ietwat besoedelde reputasie in Suid-Afrika van vandag, het dit 'n groot invloed gehad op die ekonomiese ontwikkeling van die land - en dié van baie ontheemde Afrikanerfamilies.

Uittreksel uit paneelbeoordelaars se kommentaar:

Dis ‘n goed taalversorgde artikel wat lekker lees en ryklik met foto’s geïllustreer is en wat nuwe inligting oor die familie bevat. Sy bronneverwysings beantwoord aan bibliografiese vereistes en die genealogiese notasie dié wat deur Familia aanvaar word.

Behalwe dat dit aan al die kriteria soos verlang voldoen, is dit een van die min artikels wat bronne volgens navorsingskriteria voorsien, nl. dat mens dit kan opvolg EN kontroleer.