Toe eGGSA aanvanklik aan Projek S (dis die transkripsie van die hele letter S in die 1984 Suid Afrikaanse Kieserslys, 'n hele 296 668 name en adresse) begin werk het, sou ons net vir ewig tik!! Julle moet weet, toe die S'e aanvanklik op my tafel aangeland het, het ek sommer my rekenaar vir 2 weke afgeskakel. eGGSA se oorspronklike plan vir die hantering van die projek was ook na die maan en ons moes 'n nuwe plan bedink. Die eenvoudigste was om almal wat net 'n moontlike belangstelling in 'n S-van sou hê, te kontak; selfs familie en vriende was nie veilig nie.
Die beeld hiernaas toon waarmee die transkribeerders te doene gekry het!
Die eerste transkripsies was met die begin van die 2010 Sokker Wêreldbeker gedoen. In die eerste kwartaal van die jaar het ons vir onsself egter 'n doelwit gestel om Projek-S teen die einde van Desember 2011 te voltooi. Ons het regdeur die Rugby Wêreldbeker getik en vandag het ons ons eie S-BEKER gewen!! Die transkribering van letter S is voltooi - 31 dae VOOR die keerdatum.
Baie dankie aan almal wat soveel ure aan die projek gespandeer het. Ons waardeer julle tyd, toewyding, geduld en vriendskap. Dit was vir my lekker om saam met julle te werk. 'n Groot dankie aan al die S-pensionarisse wat hulle dienste beskikbaar gestel het vir die transkribering van die ander vanne.
Alta Griffiths
(Koördineerder)
Die Ererol (transkribeerder en getal name getranskribeer):
Alet Swanepoel, 4200 |
Gert Schepers, 106 |
Minnie Pretorius, 2814 |