The Genealogical Society of South Africa
  • Home
  • Branch Activities

N-Transvaal Branch Activities

Op Soek na die Oorsprong van my Naam

OP SOEK NA DIE OORSPRONG VAN MY NAAM: ADRIAAN SAREL NEL (b10c2d8e3f4g4h5i1j1)
D.H. Pienaar skryf op “WOES” EK MOEDIG JOU DUS AAN OM JOUSELF BETER TE LEER KEN EN BEREKENDE VERANDERINGE AAN TE BRING IN JOU LEWE... en vra vervolgens
Het jy jouself al afgevra?:
Ken ek die regte betekenis van my van en name? Weet ek watter invloed my name uitoefen op my bestaan en hoe kan ek dit beheer of verander? Na aanleiding van bogenoemde stel ek my bykomende doel met my navorsing as volg:
1. Spoor die betekenis van my van en name op;
2. Verstaan die betekenis van my name en watter invloed dit t.o.v. die natuurlike en geestelike realms het. (realms = gebied, ryk, koningkryk, sfeer)
3. Wat is die oorsprong van my name.
4. Die O'NEILLS se verbintenis met ons Nelle in S.A. 

1. BETEKENIS VAN MY NAME:
NEL: ‘n Trotse Hugenote van in Suid-Afrika
Die van NEL is afkomstig van die Viking naam NJAL. 'n Groep Vikings het hulle in Ierland gevestig ongeveer 500 V.C. en het later bekend geword as die UI NEILL / O 'NEILL-groep. Volgens tradisie het hulle van HEREMON, die seun van MILLISIUS, die eerste absolute monarg van Ierland afgestam. Die O 'NEILLS van ULSTER is die oudste spoorbare familie wat in Europa oorgebly het. NIALL is 'n Ierse woord wat “Kampion” beteken. Die O 'NEILLS het hulle in die Tara-omgewing gevestig, nou bekend as County Meath, Ierland. 'n Tak van die O' NEILLS verskuif ongeveer 1300 N.C. na LYONS in FRANKRYK. Mettertyd het die naam verander na NEIL / NEEL. Toe die Franse Hugenote na Nederland gevlug het, het die Franse uitspraak van NEEL gelei tot die Nederlanders wat die van na NEL verander het. Klik op die Skyfies om te vergroot

imageimageimageimageimage

Continue Reading

Genealogie- & Familie-Erfenisfees

Genealogie- & Familie-Erfenisfees 2017: NOORD-TRANSVAALTAK BRING SY KANT - Otto Diedericks se ervaring.

  Dit was soos altyd weer 'n hoogtepunt vir die Noord-Transvalers om deel te hê aan hierdie Fees wat deur Isabel Groesbeek organiseer word. Dit was veral goed om mede-genealoë in die oë te kyk en saam te kuier, gedagtes te wissel en dan lekker na die tyd saam te eet. Dit was verder ook 'n spesiale dag deurdat dit die 10de keer was dat Isabel die fees aanbied! Hiervoor het ons vir haar blomme oorhandig namens die GGSA. Isabel het selfs 'n 10-jaar verjaardag koek gehad, kersies en al, wat ons as nagereg genuttig het tydens die ete. (Isabel se afsluit-ete het nou 'n instelling geword!)
Die stalletjies van die Noord-Transvalers was hierdie keer langs mekaar en dit was lekker. Die een kon mense aan "pass" na die volgende stalletjie en so kon baie vrae beantwoord word. 8 Besoekers het daar en dan by die N-Tvl Tak aangesluit.
  Heelwat besoekers het by die Tak se stalletjies aangedoen en dit was goed om mense te ontmoet wat met geesdrif van hulle eie navorsing vertel het. Soos altyd is daar besoekers wat vashaak met hul navorsing en hulp soek om oor die spreekwoordelike muur te kom of ekstra hulp nodig het met rekenaar programme. Veral "watse program moet ek gebruik?" 
  Ek het vooraf 20 CD's gesny (het net 4 oor!) met Rekenaar inligting, Sagteware om te gebruik (Legacy, Rootsmagic, PAF, Ancestry Family Tree), Handige Webwerwe asook my dokument waarin onder andere, "Waar om te Begin?" ingesluit is. (Daar is ook voorbeelde van ‘n Gesinsblad en Kwartiertaat wat uitgedruk kan word.). 
Om na al die besoekers se stories te luister was net so lekker! Ek het agtergekom dat mense na die fees toe kom om vir hulp te soek met verlore skakels. Daarom is dit iets waaroor ek in die toekoms baie meer voorbereid wil wees - met elke soort databasis tot my beskikking, indien nie op my rekenaar nie, dan op die internet. Ek het hierdie keer sommer op my selfoon se Hotspot aangeteken. (Dit sal egter makliker gaan indien ons die gemeente se WIFI kan gebruik - iets om te oorweeg in die toekoms).
Inligting wat baie handig is/was:
1. NAAIRS - vir boedel soektogte. https://www.nationalarchives.gov.za/node/737.
2. Begraafplaas DVD.
3. SAG en SAF – dit is net moeilik om al die SAF CD’s in-en-uit die hele tyd, maar tog ‘n fantastiese bron.
4. Identitynumber.org - vele soektogte daar sou antwoorde op die dag verskaf.
5. eSAGI het ook al baie gehelp.
6. 1984 Kieserslys.
7. www - vir ander soektogte soos op FamilySearch.
8. GGSA se 2005 Navorsingsverwysingsgids, alhoewel verouderd, is dit 'n goeie begin. Daarmee saam die huidige GGSA Databasis se Belangelys. 
  Ek dink besoekers verloor belangstelling indien hulle nie dadelik gehelp kan word nie. Met enige hulp wat jy verskaf, kom hulle egter agter hulle hoef nie op hulle eie te stoei nie maar kan by ons tak aansluit en ander se hulp so bekom. Dit lyk my min weet van die GGSA! Ek kon ook mense daarop wys dat hulle navorsing iewers elders beskikbaar en gestoor moet wees, veral as hulle tot sterwe sou kom, sodat dit nie verlore moet gaan nie. 
  Om af te sluit, daar is beslis meriete om Genealogie Feeste te hou. (ALMAL het immers ‘n familie). Elkeen wat familie navorsing doen moet by die genootskap aansluit en beslis een keer in sy lewe so ‘n Fees bywoon. Hiermee klink ons ‘n glasie op hierdie wonderlike stokperdjie. 
Klik op die Foto's om te vergroot

imageimageimageimageimageimageimage

Randhere (Rand Lords) en hul Nalatenskap

Gavin McInnes'n Onbekende kant van die geskiedenis is tydens Juniemaand se takbyeenkoms belig toe Gavin McInnes oor die Randhere (Randlords) gepraat het. Hulle word gewoonlik as uitbuiters, opstokers en die mense wat die Anglo-Boereoorlog ingelei het, beskou. Is dit al wat hulle was? Gavin het 'n ander sy van die Randhere aan sy gehoor voorgestel.
Die begrip Randhere is nie net 'n ekonomiese term nie maar verwys ook na 'n magsterm en interessant genoeg is dit 'n foutiewe persepie dat hulle slegs Engelse nuutgevonde kapitalistiese elite was. 'n Groot aantal was Duitse Jode.
Die agtergrond waarteen die geskiedenis van die Randhere afspeel, is dat die boererepubliek in 1886 beswaarlik 'n lening van £5000 kon bekostig terwyl die Staatsreserwes nege jaar later op £4.2 miljoen gestaan het. President Kruger se salaris het van £3000 na £8000 vermeerder en Pretoria kon imposante geboue soos die Raadsaal en die Paleis van Justisie bekostig.
Die artikel is geskryf deur Rentia Landman.

klik hier om die volle prentjie te kry

Die Storie agter die Storie

Elke mens het 'n storie!
Alta Roux, genealoog en boeiende storieverteller, was Saterdag 11 Maart die tak se gasspreker. Na twee-en-twintigjaar lange navorsing het sy verlede jaar die "Die nageslag van Barend Pieters en Johanna Nel", gepubliseer. Alta het jare spandeer omAlta Roux hierdie navorsing te boek te stel. Sy het ver gereis om die geringste leidrade op te volg en te bevestig. Sy kon 'n ouma se vraag oor hoekom 'n klompie kinders in Engelse kerke gedoop is naspeur. Haar familie aan beide vader en moederskant het aan die Anglo Boereoorlog deelgeneem met die ernstige nagevolge wat dit ingehou het. Van kleinkind af het sy geleer om na stories te luister en om stories te vertel. Sy noem haarself ʼn versamelaar van stories en het van die lekker stories wat sy in die dorpgeskiedenisse en kerkraads¬notules raakgeloop het, oorvertel.

Alta Roux Vertel Stories.

Aflaai skakel -> hier (regs kliek "save as" om af te laai)

Allegaartjie Nov 2016

Saterdag 19 November. Wat ʼn lekker genealogiedag! Uitstekende referate wat deeglik nagevors en onderhoudend en interessant aangebied is. Noord-transvaal Tak het sy verjaardagjaar waarin die tak 50 jaar oud geword het, met ʼn allegaartjie van genealogie-referate wat deur agt taklede gelewer is, afgesluit. 'n Klompie van ons lede, Hettie Muller, John Yssel, Ludwig Döhne, Teuns Deeltlefs; Annemarie Dreyer; Kobie van Rooyen; Fedie van Wyk, Dirk van Heerden en Isabel Groesbeek, het ons meegesleur met die vertellinge en ondervindinge wat hul tydens hul soektogte na familie opgedoen het. Dit het ons weer nuwe moed en stukrag gegee om hierdie belangrike deel van ons kultuurerfenis onverpoosd na te jaag. Die tak het voorwaar die jaar se verrigtinge op 'n hoogtepunt afgesluit. Ons Komitee kan waarlik trots wees op wat gedurende hierdie jaar bereik i.

Could not open a directory stream for /home/familia/public_html/images/NTvlFotos/Allegaartjie_Nov_2016/

Die verrigtinge het begin met die sny van die verjaarsdag koek. Die Noordtransvaaltak het gedurende Mei 2016 sy 50e bestaansjaar gevier. Hier sny twee van die tagtigerjariges van die tak, Thys du Preez en Rina Naude die verjaarsdagkoek.

Klik op hierdie skakel om die volledige prentjie te kry

Copyright 2016 by The Genealogical Society of South Africa. All rights reserved.

Powered by Warp Theme Framework